التصنيف: عام

نُشر في

يموت الزمار

مثل مصري قديم معناه يشير إلى ان اللي في طبع بيفضل فيه ومش بيتغير ابدا مهما حصل، ومهما حاولت الناس معاه. انا شايفة إن طبع الانسان زي بصمة ايده ولا بتتغير ولا بتفرقه.

يعنى الخائن بيفضل خاين، والكذاب بيفضل كذاب، والجبان بيفضل جبان، والحنين بيفضل حنين، الطيب بيفضل طيب.

منكرش أن في بعض الظروف الحياتية اللي يتخلى الإنسان احيانا يتغير بس اول ما بتجيله فرصة يرجع زي ما كان بيرجع.

نُشر في

عزيزي آدم 2

عزيزي آدم
انت مش محور الكون و الدنيا مش بتدور حواليك، يعني مش رأيك بس هو اللي صح ولا انك اكتر حد عبقري و فاهم في كل حاجة ولا أن المشاكل لازم تتحل بطريقتك ولا أن صوتك هو اللي لازم يبقى عالى، ولا أن كل الظروف لازم تكون مهيأة لاسعاد سياتك واي حاجة تانية تولع. لازم تفهم أن الدنيا مشاركة فعلشان تتسمع لازم تسمع، وعلشان تتبسط لازم تبسط، وعلشان عايز الست تعملك على انك مهم لازم تحسسها باهميتها.

نُشر في

عزيزي آدم

عزيزي آدم هل تعلم انك مرآة امراتك، اذا رأيتها مشرقة وجميلة فانت السبب في ذلك، واذا رأيتها كئيبة وكارهه للحياة فانت ايضا السبب. ممكن بكلمة بسيطة تخليها مبسوطة لايام، وممكن بفعل تخليها كارهه لنفسها. وترجع تشتكي انها كئيبة أو أنها بترخم عليك، لازم تعرف انك الفعل وهي رد الفعل. انت الذي ترسم كيف تسير الحياة كئيبة أو سعيدة. فاختار انت.

نُشر في

كرة القدم تنجح فيما فشلت فيه الأنظمة.

اللاعب محمد صلاح يحي الجمهور. المصدر الحساب الرسمي محمد صلاح تويتر.

تأهل المنتخب المصري لكرة القدم إلى بطولة كأس العالم روسيا ٢٠١٨ بعد غياب 28 عامًا، حيث استطاع المنتخب المصري بقياده المدير الفني الأرجنتيني هيكتور كوبر الفوز على منتخب جمهورية الكونغو بنتيجة ٢-١ في الجولة الخامسة لتصفيات كأس العالم، المباراة التي أقيمت على إستاد برج العرب بمدينة الإسكندرية.

تصدر المنتخب المصري قمة المجموعة التي كانت تضم منتخب غانا ومنتخب جمهورية أوغندا ومنتخب جمهورية الكونغو، برصيد 12 نقطة ويليه في المركز الثاني منتخب الكونغو برصيد 8 نقاط. يتبقى في المجموعة جولة أخيرة يلتقي خلالها منتخب مصر مع غانا، ويلتقي الكونغو مع أوغندا.

تعد لعبة كرة القدم الأكثر شعبية في مصر حيث أن لها تاريخ يتجاوز المائة عام، حيث نجد المنتخب المصري لكرة القدم من أكثر المنتخبات العربية والإفريقية تحقيقا للبطولات فقد وصل في تصنيف الفيفا للمركز التاسع عام 2010، بالإضافة لكونه المنتخب  الأكثر حصولا على كأس الأمم الإفريقية  التي  تصل إلى سبع مرات. وبالرغم من كل هذه البطولات نجد تعثر في الصعود إلى كأس العالم حيث تأهل مرتين فقط الأولى  لكاس العالم 1934، والثانية لكأس العالم 1990  , وبمحض الصدفة كانت البطولتين في إيطاليا.

حلم 100 مليون

حَلم كل المصريين بالتأهل للمونديال منذ اكثر من 27 عامًا، وكانوا هذا العام أكثر تفاءلا لوجود عدة عوامل أكثرهم أهمية لاعبي المنتخب الدوليين، ومن ابرزهم محمد صلاح لاعب نادي ليفربول الإنجليزي، محمد النني  لاعب نادي أرسنال الإنجليزي، حيث تعالت صرخات الشعب المصري مناديه إياهم بتحقيق حلم المصريين والوصول لكأس العالم.


يوم النصر العظيم

يوم المباراة المنتظرة، مباراة للتأهل لنهائيات كأس العالم روسيا 2018، ساند الشعب المصري بكل طوائفه المنتخب الوطني لكرة القدم من أجل تحقيق حلم الصعود، حيث توجه أكثر من 70 ألف مشجع إلى إستاد برج العرب يوم المباراة 8 أكتوبر / تشرين الأول، بينما تجمع ملايين المصريين على المقاهي وفي الحدائق والبيوت يشاهدون المباراة. كانت القاهرة، المدينة الأكثر ازدحاما، خاوية من الناس  كل الشعب المصري رجال ونساء، أطفال، شباب، شيوخ يدعمون بالدعاء البكاء المنتخب المصري.

فرحة وصدمة

وجاء رهان الشعب المصري على اللاعب محمد صلاح في محله، فقد استطاع إحراز هدفي الفوز وأدى ذلك إلى تأهل المنتخب، واشتعلت الشوارع احتفالا في مختلف مدن مصر، ودخلت الفرحة بيوت الشعب المصري التي كانت تخرج منه شيئًا فشيًا نتيجة الأحوال الاقتصادية السيئة التي يمر بها كثيرا من الأسر المصرية.

وجاء خبر منح الرئيس المصري عبد الفتاح السيسي جائزة تقدر بقيمة مليون ونصف المليون لكل لاعب في المنتخب الوطني لكرة القدم  عادية عند البعض و صادمة للكثير من المصريين، اللذين يواجهون أزمات اقتصادية نتيجة ارتفاع أسعار الكثير من المنتجات الأساسية، وارتفاع أسعار الخدمات بشكل جنوني لا يستطيعون تحمله. وراي الكثير منهم أن هذه الأموال يمكن أن تستخدم في أنشاء مدارس أو تسحين الخدمات الصحية.

وجاء البعض الأخر متقبلا لفكرة الجائزة:-

العالم يحتفل بتأهل مصر لكأس العالم

أعرب العديد حول العالم عن فرحتهم لتأهل المنتخب المصري لكرة القدم لكاس العالم روسيا 2018:-
هنأ محمد بن زايد ولي عهد أبو ظبي عبر تويتر الشعب المصري على تأهل المنتخب إلى كأس العالم:-

كما هنأ الفيفا(الاتحاد الدولي لكرة القدم) عبر الصفحة الرسمية لكأس العالم المنتخب المصري في تغريدة:

وأشاد أيضا الاتحاد الدولي لكرة القدم بالحارس المصري عصام الحضري وعن الرقم القياسي الذي سيحققه حال اشتراك في مونديال روسيا 2018، حيث سيكون الحارس الأكبر عمرا في تاريخ المونديال لبلوغه سن 45.

كما احتفل مدراء الأندية العالمية بالأعبين المصريين المحترفين في أنديتهم،  فقد وجه أرسين فينجر المدير الفني لنادي أرسنال الذي  يحترف فيه اللاعب المصري محمد النني رسالة إلى الجمهور المصري بعد التأهل:

 

كما أعرب نادي ليفربول على حسابه الرسمي على تويتر عن سعادته من أجل لاعبه محمد صلاح وصفًا إياه بملك مصر:

وهكذا استطاعت كرة القدم إسعاد ملايين المصرين في ليلة لن ينسها أحد، فلن أسطيع أن أنسى لحظة إحراز هدف التأهل إلى المونديال ولا دموعي ولا تلويحي بالعلم من الشرفة وأنا أصرخ "مصر…مصر" والألعاب النارية تنور السماء من فوقي. يري البعض أن فرحة المصريين بالتأهل لكأس العالم مبالغ فيها، ولكنهم لا يدركون مدي أهمية كورة القدم عند المصريين وأنها الشيء الوحيد الذي يتجمعون عليه بنفس المشاعر سواء سعادة أو حزن بالرغم من وجود اختلافات كثيرة في النواحي العقائدية والسياسية.

نُشر في

حق المظلوم

مبقدرش  اشوف حد مظلوم ومدفعش عنه أو احاول اجبله حقه، فلو بقى المظلوم دا هو اعز الناس عندك في الحالة دي تعمل اية، طبعا تفرتك قلي ظلمه وتجربه حقه من فم الاسد.

طيب قابل يا عم المظلوم حبيبك دا قلى ظلمه واحد قريب منه جدا ولو عملتله حاجة حبيبك دا هيزعل ويتأذي.

وهنا بتكون مضطر كتم كلمة الحق وكتم احساسك بمحاولة اخذ حقه في ضلوعك وتسكت ساكت.

نُشر في

الملك الأخطبوط.

كان يا ما كان في بحر عميق جدا يسمى ببحر البحور، وكانت الأسماك تعيش فيه مبسوطة وسعيدة وبيحبوا بعضهم. وكان ملك البحر عادل جدا وكل الاسماك بتحبه، ولو اي سمكة عندها مشكلة بيحلها على طول.

في يوم من الأيام جاءت سمكة صغيرة للملك  تشتكي من شر السمكة أبو سيف، وانها بتضرب وتاخد اكل كل الاسماك الصغيرة وكمان مشغلة معاها سمك شرير يقوم بسرقة  الاكل مننا.

وبسرعة بعت الملك الحراس وطلب منهم يقبضوا على ابو سيف، ولما وصل ساله الملك انت ليه بتضايق السمك وبتاخد اكله، لو عملت كدا تاني هطردك من البحر

وخرج ابو سيف من عند الملك وكل الاسماك عرفت ان الملك هيطرده من البحر علشان هو شرير وبيحب ايذاء كل الكائنات. وقرر ابو سيف انه لازم ينتقم من الملك ومن كل ا لكائنات في بحر البحور.

ووصل ابو سيف لبيته واجتمع مع اصحابه الاشرار وقالهم انا لازم اكون الملك واطرد الاخطبوط قبل ما يطردني، وسالوا هتعمل كدا ازاي.

قال ابو سيف لأصحابه الأشرار  روحوا للساحر قلي في البحر الأسود وهاتوه وتعالوا حالا. وفعلا جاء الساحر وكانت سمكة عجوزة وشكلها قبيح.

سالت ابو سيف عن سبب استدعائها فقال لها " انا عايز اكون ملك بحر البحور" قالت له " بس الملك الاخطبوط هو الملك وكل المخلوقات البحرية بتحبه لانه عادل وبعده هيكون الأمير فارس ابنه هو الملك .

قال لها اتصرفي انا عايزة اكون الملك. وهديكي كل قلى انتي تطلبيه.

فقالت له في الحالة دي لازم تخرج الملك من القصر بتاعه، وسيب الباقي علية.

فذهب ابو سيف للملك وقال له الحق يا ملك ابنك الامير فارس في مشكلة كبيرة تعالى معايا علشان ننقذه. خرج الملك مسرعا بدون تفكير خوفا على ابنه، واخذه ابو سيف لمكان بعيد عن القصر وفجاة ظهرت الساحرة ومعاها العصابة الشريرة ومعاها مسحوق سحري قامت برشه على الملك.

واذا بالملك الاخطبوط يتحول الى خشب  ويطفو ليصل الى سطح البحر واذا بولد صغيركاد ان يغرق يمسك به ويسحبه الي الشاطئ. واخبر والده ان قطعة الخشب هذه هي من انقذته من الغرق وانه سوف يحتفظ بها.

وفي اعماق البحار يسيطر ابو سيف على مملكة الملك الاخطبوط بقوة وظلم، وانتشر الجوع والاحباط بين اسماك المملكة. وقام ابو سيف وعصابته بطرد الأمير فارس من المملكة.

ذهب الأمير فارس وهو حزين على ما حدث لوالده، وجد كهف قديم فدخله ليرتاح، ونام من كثرة التعب وتفاجأ وهو مستغرقا في نومهه بسمكة صغيرة تُوقظه وتقول له: إستيقظ يا أمير لكي نساعد والدك الملك.

إستيقظ الأمير مستغربا من هذا الصوت ويقول للسمكة: هل تعرفيني؟ وكيف تعرفي ما حدث لوالدى؟ نحن بعيد عن مملكة الإخطبوط.

قالت له لقد ارسلني حارس البحار لكي اخبرك بالطريقة التي ستهزم بها ابو سيف وعصابته، فهو مسئول عن نشر العدل في كل البحار.

فقال لها: بالطبع اعلم ذلك انه حاكم عادل وكان صديق لوالدى، وكنت ابحث عن طريقة للوصول اليه لطلب المساعدة، شكرا لكي ايتها السمكة الصغيرة.

فقال له: هيا بنا لنذهب اليه.

وذهبا سريعا الى حارس البحار فقال للأمير فارس: لا تخف وخذ هذا الدواء واسكبه على والدك وسوف سعود إلى طبيعته في الحال.

فقال له: كيف أفعل ذلك ونحن فى اعماق البحار وأبي على اليابسة.

قال له سوف تساعدك هذه السمكة الصغيرة فى الوصول إلى سطح البحر. شكر الأمير حارس البحار وبدأ هو والسمكة الصغيرة فى رحلة إنقاذ الملك الإخطبوط.

نجح الأمير فارس والسمكة الصغيرة فى الوصول إلى سطح البحر بعد رحلة طويلة وشاقة، وكانت المشكلة فى كيفية سكب الدواء على الملك، إقتربوا شيئا فشيئا من مكان الملك الذي قد اخبرهم به حارس البحار.

وجدوا طفلة صغيرة على الشاطئ تجلس على قطعة خشب تشبه الملك، واستعربوا من ان الطفلة تتحدث إلى قطعة الخشبوتضحك معها.

فقال الأمير فارس للصديقته السمكة، ان والدى حي ويتحدث الى هذه البنت،  واذا استطعنا الوصول لهذه البنت سوف نستطيع إنقاذ والدي.

قفذت البنت الصغيرة في المياه تسبح وتلعب، وذهب اليها الأمير فارس وقال لها: ممكن تساعديني؟، فخافت البنت في البداية ولكنها قالت له بالطبع كيف اساعدك، فحكى لها الأمير فارس قصة والده وانه جاء من اعماق البحار هو وصديقته السمكة لكي يقوم بفك السحر لكي يعود والده كما كان.

فقالت البنت له: نعم انا اعلم هذه القصة فقد قصها علي صديقتي الخشبة، وعندما اخبرت والدي بذلك لم يصدقني.

فقال لها الأمير فارس: ممكن تسكبي هذا الدواء على أبي لكي يعود إلى طبيعته ويسترد ممكلته. فقالت له انني احبه كثيرا وهو صديقى الوحيد الذي اتخدث والعب واضخك معه، نعم سوف اساعدك.

فأخذت البنت الدواء من السمكة الصغيرة وصعدت إلي الشاطئ، لقد اتي ابنك يا صديقي ومعه الدواء، واذا بوالدها يقول لها هل مازلتي تتحدثين إلى قطعة الخشب هذه لابد ان استخدمها في خشب التدفئة، فقالت له: انها سمكة يا أبي وسوف اثبت لك ذلك.

فذهبت البنت وطلبت مساعدة والدها لوضع الخشبة الإخطبوط بجانب الشاطئ، وقامت بسكب الدواء على الملك، واذا به يتحول إلى إخطبوط.

تفاجأ الوالد كثيرا واختضن ابنته خوفا عليها، وقالت له لا تخف يا أبي انه صديقى، وقام الملك الإخطبوط باحتضان الطفلة وشكرها، وقال لوالدها : ان ابنتك رائعة وطيبة وحنونة جدا، هي أول صديقة لي من البشر وانا مدين لها بحياتي، ووعدها الملك انه لن ينساها وانه سوف يقوم بزيارتها.

وقام الملك الاخطبوط وابنه الأمير فارس وذهبا إلى المملكة وقضى على ابو سيف وعصابته، وتم طردهم من المملكة وعاد كل شئ إلي طبيعتها، كل السمك كان سعيد وانتشر العدل والفرح في المملكة مرة أخري.

وكافأ الملك السمكة الصغيرة وبني لها بيت جميل وطلب منها ان تعيش معهم في الممكلة.

وكان الملك الإخطبوط يقوم كل فترة بزيارة صديقته الانسانة للإطمئنان عليها وكانت تنتظره ويقوموا بقضاء وقت ممتع سويا.

نُشر في

ربنا يكفيك شر….,

ربنا يكفيك شر سدة النفس، وفقدان القدرة على التحاور ومحاولة اثبات وجهه نظرك، وتحول الطموح والاخلام إلى الرضا والانصياع للامر الواقع اذا كنت راضي به او لا. وباستغراب تتأمل التحولات النفسية قلى وصلت لها ،  يعني مثلا من واحد متجمس جدا للدفاع عن نفسه او عن اى حد، لواحد حتي مش عايز ولا عنده طاقة ولا قدرة نفسية انه يدافع عن نفسه " انت شايفني كدا طيب ماشي انا كدا".

احيانا تفتكر نفسك قبل كل هذه التغيرات وتشوف صورة ليك وتضحك ضحكة حزينة وراها صرخات داخلية محدش سمعها.

وربنا يكفيك شر العشم، تتعشم في اي حد يوعدك باى حاجة،  بإرتباط، بانه هيعلمك حاجة،او انه مش هيسبك على الوضع دا وهيقف جنبك هيساعدك  هه، اي حاجة لو حني بسيطة. وانت تستني وتختلق اعذار بس من جواك بيبقي في حاجة بتحصل مش حلوة هي انك كل يوم بتقول لنفسك احسن علشان انتي عبيطة وبتصدقي اي حد، فتاخد قرار انك مش تتعشم في حد تاني وان كل الناس حتي لو قريبين منك بيقولوا اى كلام في اي كلام. الحد التاني قلى عشمك ولا فى دماغه اصلا  ولما بيشوفك مضايق بيحملك المسئولية، فيا ابن التيت مش قد كلمة متأولهاش. بس كدا

ربنا يكفيك شر الضلمة الداخلية لما اللمبة قلي جواك تطفي، لما لمعة عينك تطفي. لما كل يوم يبقى زي كل يوم والعمر بتسرق منك وانت قاعد بتتفرج احيانا بتتمني الدنيا تخلص بقى وساعات بتسسلم وتقول زي ما تجي تجي

لما كان حد بيقولى انتي لسة صغيرة وكل الحماس دا هيدوب مع الايام، مكنتش بصدقه واقول ايه الكآبة دي،  بس الحمد لله ربنا يكفينا شر الهم والحزن وموت النفس.

اللهم ردنا اليك ردا جميلا <3

نُشر في

ذكرى

  • ذكرى الشيء بتتكون من اول مرة تعرفت عليه أو بدأت تجربتك معاه، لما بتسمع أغنية بتفتكر ذكرياتك لما سمعتها اول مرةحتي لو سمعتها بعد كدا الف مرة. لما بتسمع نكته اكتر من مرة عقلك على طول بيعرض لك اول مرة سمعتها ومين كان معاك ووقع من الضحك عليها . هيفضل مكان اول مرة سمعت فيها كلمة بحبك محفور جواك، لو رحت المكان مليون مرة هتفضل المرة دي اهم مرة وذكريات كل تفصيلة صغيرة في دماغك.
    قلي عايزة أقوله ان الذكرى الحلوة بترتبط باول مرة نعيش فيها التجربة.
    لما تبدا تجربة جديدة اختار بعناية الناس قلي هيعشوها معاك، لأنهم ببساطة هيفضلوا في ذاكرتك الي الابد.
    واذا كنت مع حد بيعيش تجربة لأول مرة واختارك تكون معاه أو القدر جمعكوا سوا فبلاش تعمل حاجة وحشة، لأنه غصب عنه هيفتكرها.
    احترم أنه بيبدا معاك تجربة جديدة.
    عن نفسي عمري ما انسى اول مرة ركبت مثلا فيها القطار أو الطائرة أو غطست أو جريت او ركبت عجل، او اتحبيت ولما اتفرقعت، اول مرة اشوف طفل مولود ، اول شغل، اول كل حاجة محفورة فى ذاكرتي مع العلم أني بنسى كل حاجة لدرجة أني فكرت اتعالج.
نُشر في

"ضوضاء الشتاء" مهرجان ثقافي في القدس

الصورة من الصفحة الرسمية للحدث على موقع فيسبوك.

تُنظم هيئة الشباب التابعة لبلدية القدس كل يوم أثنين من شهر فبراير مهرجان ضوضاء الشتاء أو"שאון חורף". ويعد هذا المهرجان من أكبر المهرجانات الثقافية في القدس.

تقوم بلدية القدس بالتسويق للمهرجان بصورة كبيرة على شبكات التواصل الاجتماعي، وعلى موقعها الإلكتروني، تدعو الإسرائيليين والسياح للاكتشاف أماكن مختلفة ومثيرة للاهتمام في القدس، وأيضا لخوض تجربة مليئة بوسائل الترفيه المختلفة.

 

يصف الفيديو الأنشطة التي ستكون فى المهرجان؛ صفحة الحدث على موقع فيسبوك.

مهرجان الشتاء أصبح أكبر مهرجان ثقافي مفتوح يحضره العديد من الناس في إسرائيل، أما للمشاركة بأعمالهم أو لتقضيه وقت مع أسرهم وأصدقائهم في يوم تتحول فيه شوارع القدس الهادئة في الشتاء إلى ساحة ثقافية حية تعج بالحركة والأحداث.

تقوم العديد من الشركات والمؤسسات بالاشتراك أو بالتشجيع على حضور المهرجان عبر تويتر:


أخر ليلية لمهرجان ضوضاء الشتاء في القدس تكون دافئة.


مهرجان ضوضاء الشتاء، أكبر مهرجان ثقافي مفتوح في إسرائيل.

وليس هذا المهرجان الوحيد الذي تنظمه قوات الاحتلال في مدينة القدس فهناك العديد من المهرجانات، مثل مهرجان "أنوار القدس"، مما يثير حفيظة أهل القدس لما يروا من أن هذه المهرجانات هي نوع من تهويد مدينة القدس العربية.

هل تنظم السلطة الفلسطينية مهرجانات فنية يتوفر فيها كافة الوسائل الأمنية؟

نُشر في

موشو

كان يا ما كان في جزيرة بعيدة أسمها “جزيرة الوحوش" وكان كل البشر وكمان المخلوقات التانية بتخاف منها، لان القصص عنها كانت مخيفة جدا.

وكان على أول الجزيرة جبل كبير ساكن جواه موشو، موشو دا من الوحوش الطيبين فى الجزيرة وكان عايز يغير فكرة البشر وكل المخلوقات عن الجزيرة، ويبين لكل الناس ان المخلوقات قلي على لجزيرة مش كلهم أشرار، وقال لنفسه: طيب وعرعر دا هو وعصابته السبب في ان الناس تخاف من الجزيرة.

 

وفجأة سمع موشو صوت جامد جدا، وخرج وشاف سفينة بتخبط في الجبل وصوت ناس بتصرخ، جري بسرعة لمح عرعر وعصابته يخطفوا رجل وواحدة ست، وفي السفينة بنت صغيرة مستخبية.

راح بسرعة ناحية البنت وقالها تعالى معايا

قالت له: لا انا خايفة، انا عايزة بابا وماما

موشو قالها: متخفيش انا هساعدك انتِ اسمك أيه

قالتله: وردة

وخدها موشو وقالها أحكيلي ايه قلى حصل.

قالتله وردة: بابا كن ماشي بالسفينة وبعد كدا فى صخرة كبيرة خبطت المركب وفضلت تلف وتلف وفجاة خبطنا في الجبل، ومرة واحدة لقينا الوحوش هجمت على المركب وخطفوا بابا وماما وانا استخبيت تحت البطانية، بس في واحد من الوحوش شافني وانا خايفة قوى.

موشو قالها: متخفيش يا وردة انا هحميكي

وردة قالتله وهي بتعيط: انا عايزة ماما وبابا، الوحوش هتموتهم

موشو خدها وقالها انا هخبيكي هنا (حائط في الجبل شكله غريب)

وردة قالت: هتخبيني فين يا موشو دا حائط

ضحك موشو وقالها: دا مكان سحرى لازم يتفتح بكلمة السر

فلمس موشو الحائط بايده وقال (كالبلا….. كالبلا …كالبلا… ) وفجاه الحائط اتفتح ووردة خافت قوى

قالها موشو: متخفيش يا وردة وكمان متقوليش الكلمة سحرية لحد.

وجابلها أكل كتير وفاكهة ولعب علشان تلعب وتفرح وقالها: انا هروح انقذ ماماتك وباباكي.

فرحت وردة قوى وشكرت موشو، وقالها أقفلى الباب بكلمة السر إنتي فكرها.

وطلع موشو برة الحجرة السحرية ووردة قفلت الباب السحري وبدأ موشو يفكر ازاى ينقذ عائلتها من عصابة الوحش عرعر.

وراح موشو الجزيرة وجمع كل الوحوش وحكى لهم على الحكاية وازاي عرعر وعصابة مصممين يكرهوا البشر والمخلوقات كلها في الجزيرة، وكمان البلطجة والظلم قلى هما بيعملوا في الجزيرة من غير ما حد يحاسبهم، وطلب من كل وحوش الجزيرة انهم يقفوا معه ويساعده علشان يقبض على عرر وعصابته ويحبسهم أو بطردهم برا الجزيرة.

قالوا له: لا محدش يعرف يغلب عرعر وعصابته إلا ملك الوحوش، وعرعر قتله من زمان وكان له ابن وريث العرش بس هو تاه وهو صغير، علشان كدا عرعر محدش يقرد يغلبه.

موشو قال: لا احنا لازم نقف وننقذ الجزيرة بتاعتنا ولو محدش هيساعدني أنا هروح لوحدي.

ومشي موشو لوحده وهو زعلان من سلبية أهل الجزيرة وانهم أزاي راضيين بالظلم دا.

وفجأة لقي موشو شلة من اصحابوا القدام بينادوا عليه وقالوا: احنا معاك يا موشو وهنساعدك للتخلص من عرعر علشان نقدر نرجع الجزيرة زي زمان ويجوا الناس يزورونا من جديد.

 

وموشو قالهم لازم الأول نعرف مكان العصابة وبعدين نشوف هما مخبيين أسرة وردة فين.

ورد عليه واحد من أصحابه: عرعر وعصابته لهم كهف في أخر الجزيرة، وممكن يكونوا مخبيين أسرة وردة هناك.

وموشو قال: احنا لازم نهجم عليهم بهدوء علشان ميهربوش

وراحوا كلهم على الكهف ولقوا اثنين من عصابة عرعر واقفين على مدخل الكهف، فضربوهم وكتفوهم، ودخلوا الكهف ولقوا أسرة وردة في سجن جوا فحاولوا ينقذوهم لكن عرعر كان ساحر السجن.

 

ودخل موشو ولمس السجن وهمهم بكلام سحري، وفجأة السجن أتفتح. وهيصوا الوحوش صحابه وقالوا أنت الأمير وريث العرش. وخرجت أسرة وردة وهي بتقول لموشو بنتانا وردة فين؟ هي بخير؟

موشو قال: وردة عندي في الجبل متخافوش عليها أنا أنقذتها من عرعر.

وخرج موشو ولقي كل وحوش الجزيرة فرحانين وبيهيصوا أن الأمير رجع علشان يخلصهم من عرعر وعصابته.

وخرج موشو وقالهم إن لازم يكونوا أقوياء وعندهم إرادة انهم يقفوا قدام الظالم وميخفوش. وكل سكان الجزيرة بيدوا يبحثوا على عرعر وعصابته ويمسكوهم.

وبعد كدا تم القبض على عرعر وعصابته وحبسوهم، وموشو خد بابا وماما وردة ووصلهم ليها وكانوا فرحانين قوى انهم بخير. وشكروا موشو على مساعدته.