- في طقوس مصرية لشهر رمضان تبدأ قبل واثناء وبعد الشهر الكريم، وتختلف هذه الطقوس وفقا لكل شخص، فمثلا بالنسبة للام قبل رمضان في تنضيف شقة وطبعا معظمنا فاكر وعارف دا كويس قوي،اما أثناء رمضان فانها تبذل مجهود غير طبيعي خصوصا اذا كانت تعمل، فان عليها تحضير الفطار والسحور والحلويات للاسرة، وعليها ايضا ارضاء الجميع بتظبيط علي عزومات الأهل والأصدقاء، وفي الأيام الأخيرة من الشهر الكريم عليها أن تقوم بعمل الكعك والبسكويت كنوع من الترحيب بالعيد.
- وبالنسبة للأب فهم مصدر الامان وبنك الأسرة باكملها، فهو مطلوب منه في بداية رمضان مصاريف تعادل مصاريف نص سنوية تقريبا، وفقا لازدياد الاسعار الهائل التي تعاني منه البلاد، علشان الياميش والعزومات. وايضا يتمتع الآباء
اما الأطفال فبيحلموا بفانوس رمضان وانهم يسمعوا المسحراتي بينادي اسمهم في الشارع ( اصحي يا معاذ صحي النوم…. تك تا تك… تم احنا بقينا في شهر الصوم) .
وبالنسبة للشباب بيكون شغلهم الشاغل هو تظبيط وترتيب خروجة الفطار مع صحابهم.
بالنسبالي رمضان يعني شراء فنانيس لاطفال العيلة من السيدة زينب، والتهليل والرقص مع إعلان الرؤية مع تشغيل اغاني رمضان القديمة بصوت عالي والكل فرحان وبيغني رمضان جانا، وفي اطفال بيلموا فلوس لزينة رمضان وطفل بيقولي اربطي عود الزينة دا في البلكونة بتاعتكوا.
رمضان يعني كل الشوارع منورة وكل اهل الشارع شاركوا في تزيين وإنارة الشارع، رمضان يعني فرحة في الجو تقدر تشمها تبدا قبل رمضان بكام يوم وتنتهي بانتهاء العيد. رمضان يعني كل الاجيال في الشارع بيقروا قرآن وممكن يصدق وهو بيقرا ويشتم ويرجع يستغفر ويكمل :)، رمضان يعني مافيش تحرش الى حد ما، كنت راكبة قبل رمضان مواصلات غامة وفي ست قاعدة على باب الميكروباص وخايفة لتقع- رد واحد قالها ماتخفيش همسكك لو وقعتي رمضان لسه مبداش فهمسكك، بغض النظر عن موافقتي او اختلافي لهذا الموقف بس دا قلي بيحصل. رمضان يعني عرق سوس وتمر وخروب وقمر الدين يعني كنافة وقطايف، كل دا بينتشر في كل شارع. رمضان يعني صلاة التراويح لكل الاجيال ،حتي لو مش بتصلي ظول السنة، تلاقي المساجد زحمة وفي ترحيب بالأطفال وتوزيع الالعاب عليهم كمحاولة لجذبهم وتحببهم في المسجد. رمضان يعني كل حاجة حلوة وكل احساس جميل.
وكل واحد ليه ذكريات رمضانية خاصة به. ربنا يعود الايام علينا بالخير